Os Parladoiros regresan este mércores, 22 de abril, ao Auditorio do Pazo de Mos cunha proposta que vai máis alá dunha simple entrevista: unha experiencia para escoitar, sentir e conectar.

Nesta nova sesión do ciclo contaremos coa presenza de Samuel Merino, poeta galego e mosense, que compartirá a súa visión da palabra como ferramenta de expresión e encontro. A súa voz estará acompañada pola música en directo de Gabriela Leirós Martínez, creando unha atmosfera íntima e especial.

Trátase dun formato aberto e próximo, pensado para todo tipo de público. Non é necesario ter coñecementos previos nin “entender” a poesía: o importante é deixarse levar, recoñecerse nas palabras e vivir o momento.
Un plan diferente para a semana, onde a poesía e a música se mesturan nun ambiente acolledor, capaz de sorprender e emocionar.

Data: Mércores, 22 de abril
Hora: 20.00 h
Lugar: Auditorio do Pazo de Mos
Reserva a túa praza: