A cafetería dispón dun espazo amplo e luminoso de 140 m², pensado para a socialización, o descanso e a celebración de encontros informais ou profesionais. É un lugar versátil, acolledor e funcional, que se adapta a diferentes usos ao longo do día.
Ofrece servizo de cafetería, con bocadillos e pratos combinados, así como a posibilidade de encargar menús, segundo as necesidades de cada grupo. Ademais, realiza servizos de catering para empresas, ágapes ou comidas privadas, cunha capacidade orientativa de entre 15 e 30 persoas.
A cafetería conta tamén coa opción de aluguer dunha das salas do bar, o que permite organizar reunións, celebracións ou eventos en formato máis reservado, sempre adaptándose ao tipo de actividade e ao número de asistentes.