A Festa da Rosa volve converter Mos nun punto de encontro para a cultura, a tradición, a música, o deporte, a gastronomía e a participación veciñal ao longo de todo o mes de xuño.

A rosa de cinco pétalos, presente na historia e na identidade do noso municipio, segue sendo o símbolo arredor do que se reúnen asociacións, colectivos, artistas, entidades e veciñanza nunha celebración que cada ano medra en propostas e participación.

Quen visita Mos descubre axiña que a rosa está presente en moitos momentos da nosa vida diaria. É a historia que contamos ás persoas peregrinas cando selamos as súas credenciais, o símbolo que nos identifica como vila e unha pequena porta de entrada para comprender quen somos.

A nosa rosa procede do escudo dos Marqueses de Mos e da familia Quirós, formando parte da paisaxe simbólica do municipio desde hai séculos. Ao longo do tempo converteuse nun sinal de identidade compartida, un elemento que recoñecemos como propio e que nos une arredor dunha historia común.

Programación Festa da Rosa 2026

Venres 12 de xuño

A Rosiña Festa para Escolares
10.00 a 13.00 h | Praza do Concello

Lanzamento de foguete de inicio da Festa da Rosa
22.00 h | Praza do Concello

Orquestra Asia
22.00 h | Praza do Concello

Sábado 13 de xuño

Concurso de Rosas e Concurso da Empanada de Millo

• Apertura e exposición
  10.00 a 11.30 h

Misa Solemne na Igrexa de Santa Eulalia de Mos

• Actuación do coro

• Actuación da banda de música
  10.00 h

Ofrenda Floral aos Marqueses de Mos
11.00 h

Acto Institucional da Festa da Rosa

• Pregón a cargo de Xosé Antonio Touriñán

• Nomeamento dos Valedores da Rosa de Mos

• Inauguración da Feira do Viño Rosado de Galicia

• Entrega de premios dos concursos
  11.30 a 14.00 h

Exaltación da Empanada de Millo
A cargo da Asociación de Mulleres Rurais de Mos

Concertos:

• Los Lunes al Sol (14.00 h)

• Dani Barreiro (17.00 h)

• Uxía Lambona (19.00 h)

• Quinkillada (21.00 h)

Sábado 13 e Domingo 14 de xuño

Feira do Viño Rosado de Galicia – Xuntanza BaRes Mos

Coa presenza de adegas das denominacións de orixe de Galicia e da Asociación de Bares e Restaurantes de Mos.

Domingo 14 de xuño

12.00 a 21.00 h | Pazo de Mos

Concertos:

• Os Mangacarballeiros (12.00 h)

• Trío Somoza (13.30 h)

• Peter Punk (18.00 h)

• La Duendeneta (19.00 h)

Mos é Rosa. Mos é encontro, tradición e celebración compartida. Agardámosvos nunha nova edición da nosa festa máis emblemática.