O Pazo de Mos acollerá a fin de semana do 9 e 10 de maio o festival da escola Pianagrama Escuela de Música, un encontro no que o alumnado será o verdadeiro protagonista a través de actuacións de canto, piano, linguaxe musical e combos.

Durante dúas xornadas, os xardíns e espazos do Pazo converteranse nun escenario aberto onde familias e visitantes poderán gozar do talento dos máis pequenos e pequenas, nun ambiente próximo, dinámico e cheo de emoción.

Moito máis ca música
O traballo de Pianagrama vai máis alá da aprendizaxe instrumental. A súa metodoloxía baséase en plans individualizados, adaptados ás necesidades, ritmos e intereses de cada neno e nena, entendendo a música como unha ferramenta clave para o seu desenvolvemento.

A través da música, o alumnado:

• Mellora a súa capacidade de expresión
• Desenvolve habilidades sociais e o traballo en grupo
• Gaña confianza e autonomía
• Estimula a creatividade e o pensamento

Un espazo para crecer
Este festival é tamén unha oportunidade para coñecer de preto un proxecto educativo no que a música se converte nunha experiencia vital: un lugar onde aprender, compartir e medrar.

Para moitos será un primeiro contacto coa música; para outros, un paso máis nun camiño que pode converterse nunha paixón ou mesmo nun futuro profesional.

Unha experiencia para familias
O evento está aberto a público familiar, ofrecendo un plan diferente para a fin de semana, no que se combinan cultura, educación e lecer nun entorno único como o Pazo de Mos.

Achégate, acompaña e descobre todo o que a música pode achegar dende a infancia.